فكرنا كتير وقلنا هادا المهرجان اكيد رح يكون مش مرتب من اسمو مبين شوربة اكيد رح يكون مليان ناس لازم نروح قبل بوقت ونحجز محل عشان نقعد.. وصلنا على حدائق الحسين قبل بوقت وانصدمنا باللي شفناه !!! شفنا ناس عم تحضر وترتب للمهرجان ناس عم تحط كراسي وناس عم تزبط بالمسرح ناس طالعة على عواميد لتعلق كاميرات التصوير وناس بتحط سماعات صوت واضاءه وعجئة ما الها اخرررر.. ازا هيك قبل ما يبلشوا كيف لما نبلش؟؟ شو الي راح نشوفوا اكتر!! ضلينا نستنى لحد ما بلشت العجئة اللي على اصولها ويا سلام على الي شفناه والي سمعناه فن وثقافة ابداع علوم طب واكل شفنا فنانين وشخصيات ملهمة شفنا ناس من خلفيات ثقافية وعلمية اشي بياخد العقل .. والي لازم احكيه انو ما حجزنا كرسي عشان نقعد لانو شوربة ما فيها قعدة شوربة ( لف وشوف وتعلم وتثقف واسمع واستمتع وعيش احلى لحظات في حياتك ممكن انك تعيشها مع هالمهرجان) شوربة بنستناكي لحظة بلحظة لنشوف اكتر واكتر واكيد رح نكون ورا الكواليس كمان مرة لنلحقك من اول دقيقة لاخر ثانية ..
