فكرستان 2015 طموحي على قد فضولي

فكرستان 2015 طموحي على قد فضولي

بواسطة فكرجديد
|
في 26 آب (اغسطس) 2015

كل بداية نجاح هي فكره تكللت بالمثابرة والعمل الصادق فأصبحت شجرة مثمرة

22 و 23 اب 2015 انطلقت في بلاد فكرستان مهرجان الفكر الجديد الي رجع هاي السنة مليان بالفضول والابداع والطموح، ولي فيه الشعب الفكرستاني تجول في الحارات وعاش احلى واجمل اللحظات وتعلم مع اروع الفعاليات التفاعلية الي تنوعت بين الترفيه، الثقافة، التعليم، الثقافة والفن وقدمها اكثر من 200 متحدث.

السنة كانت مميزة من عدة  نواحي التنظيم، مواضيع، العاب، ورشات العمل، التصوير وفعاليات المسرح الرئيسي الي معها عشنا التحديات والحماس مع شريك التغيير بتربيزنس .

تميز فكرستان السنة بمهرجان فكرستان الاطفال الي صار بمتحف الاطفال في اول يوم من ايام المهرجان السبت 2015/8/22 والي حضروا اكتر من 4000 شخص بين اطفال واهالي، في هادا المهرجان عاشو صغارنا اجواء رائعة مليانة بالفضول ومن خلاله جمعنا الاب والطفل في نشاطات تفاعلية لنقدر نثبت لكل اب انك بتقدر تكون صديق لولادك وبتقدر تبني جسور من الثقة بينك وبينهم.