فكرستان عن الف ليله وليلة

فكرستان عن الف ليله وليلة

بواسطة فكرجديد
|
في 17 آب (اغسطس) 2014

في اليوم الخامس والسادس من أيلول، مهرجان فكرجديد رح يرجع ليطلق الأفكار ويكمل المشوار، ويجمعنا في بلاد فكرستان. من كل مكان جايين، صغار وكبار لنتعلم ونستمتع في رحلة، و كان يا مكان، قصتنا عربية،  بإشراقة شمس بلشت، وحكاية بألف ليلة وليلة كمان .

لمّتنا بوطن فكرستان، سلطانها عادل ومخمخجي وعلّام  والشعب فيه سيان، وطن الإبداع والأفكار، شعبه مثقف وملهم وفنان، بلد كلها سلام وما بخاف فيها إنسان، يجرب ويخفق و يرجع يوقف ويقوى، ولا فيها ضعف ولا إستسلام.

سعادتنا بالطموح والإصرار كل شارع من شوارع فكرستان،  صوت وجمال وهزل وألحان، إبتطلع منها بحلم وفكرة وإلهام، عنا ورشات، ونشاطات، ومناظرات ومناقشات وعروض وأمثال.

حياتنا بتبلش بخطوة وبعدها بتخطي ألف خطوة وخطوة، المهم تتشجع وما توقف ويكون إلك بعد الطموح إنجاز وإتقان، قول الحق وإوثق برأيك، تعلم وإبدع، أفكارك جايبتلك جنان أطلقها بفكرستان، عنا مواضيع بمختلف السحر والألوان، وفيه ثقافة وتشبيك وإلهام وترفيه وإعلام.

 جمالنا بالتأمل والخيال، بكل دار إلك فرصة لتزور بلدان وبلدان، وتتعرف على صحاب وأهل وخلان. عيشوا التجربة وإحكوا عنها في كل مكان وزمان.