واحنا ماشيين في المهرجان اسمعنا ناس بتقول انو في حارة اسمها انا احب الاردن كل الي اجا في بالنا لما سمعنا هالاسم اغاني وطنية واعلام وناس عم تحكي شعر صرنا ندور على هالحارة ولما لقيناها تفاجأنا باللي شفناه هناك... شفنا دراجات الهارلي دافيسون عم تتحرك في هالحارة عاجئة الدنيا بصوتها شو خص الدراجات النارية بأنا احب الاردن معروف عن هاي الجماعة انو الناس ما بتحبهم ليش جايين على المهرجان وعلى هالحارة بالزات ضلينا نكوش وندور عشان نلاقي رابط بينهم وعرفنا انو هاي جمعية عالمية مهمة بتساعد على السياحة بالاردن بالاضافة للاعمال الخيرية وهيك ادركنا انهم مش مجرد ناس لابسين نظارات وجكيتات ومكيفين على الدراجات الي بسوقوها.. انشطة كتيرة معبية الحارة ناس بتحكي عن مغامرات عاشوها في الاردن متل نبيل ترزي حكالنا عن منتجع فينان و ماريا حداد حكت عن مطعمها بيت ستي ..وهيك ادركنا انو انا احب الاردن مش بس بالحكي انا احب الاردن لما بنعمل اشي مهم للاردن لما بنبني وبنعمر وبنكبر فيها.. انا احب الاردن لما بكون عندي فكرة حتى لو انها صغيرة بطلقلها العنان وبخليها تتحقق وبخلي الناس تستفيد منها .. حُب الاردن في شغلات كتير ما كنا نعرفها من قبل كلها شفناها في هاي الحارة .. عم نستنى لحظة بلحظة هالشوربة عشان نتعلم نحب الاردن اكتر واكتر.
